எய்ட்ஸ்
 

என் உயிர் தோழனே காசி
நாடிச் செல்லாதே என்றும் வேசி

உனக்கும் எனக்கும் எத்துணை ராசி
என்றே மயக்குவாள் அழகாய் பேசி

ஆசையை கொஞ்சம் அடக்கி வாசி
இல்லை ஊர் பேசும் வர்ணணை பூசி

நீர் இறைக்காமல் படரும் பாசி
நீ அழைக்காமல் வருவாளா தாசி

அடங்காத கோபத்தால் உடையும் நாசி
அடங்காத காமத்தால்; போடனும்; ஊசி

போனால் கிடைக்கும் நோய்கள் ஓசி
நோயும் தீராது நீ போனாலும் காசி

ஊரார் ஒதுக்குவர் உன்னை ஏசி
மனதோ வாடும் நாணத்தால் கூசி

தை போனால் வரும் மாதம் மாசி
உயிர் போனால் திரும்ப வருமா யோசி

தீய எண்ணங்களை தூர வீசி
உன் மனைவியை மட்டும் நீ நேசி

நிச்சயம் கிடைக்கும் கடவுள் ஆசி.
 

ராமசுவாமி, நாகர்கோவில்

ராமசுவாமி, நாகர்கோவில் அவர்களின் இதர படைப்புகள்