தேவதையைக் காண்பாயோ?

பாடு கின்ற பாடலிலும்

பாவை வரும் பாதையிலும்

தேடு கின்ற தேவிமுகம்

தோன் றியெனைக் கொல்கிறதே! - நிதம்

தோன் றியெனைக் கொல்கிறதே!



கூவு கின்ற கருங்குயிலே,

கூத் தாடும் மயிலழகே!

தேவ தையைக் கண்டாலே

தேடு வதைச் சொல்வீரோ? - நான்

தேடு வதைச் சொல்வீரோ?



சூடு கின்ற மலர்சரமே,

சுழ லுகின்ற அலைக்கரமே

ஓடு கின்ற காலமிதை

உணர்ந் திடவே சொல்வீரோ? - அவள்

உணர்ந் திடவே சொல்வீரோ?



அல்லி யவள் செவ்வாயின்

அமிழ் தனையச் சொல்லெல்லாம்

புல்லி னிதழ் மேலான

பனித் துளியாய்ப் போனதடி! - வெண்

பனித் துளியாய்ப் போனதடி!



கனவி னிலும் அவளுருவே

காணு கின்ற காட்சியென,

நினைவி னிலே நிழலாடி

நெஞ் சமதே தொலைந்ததடி! -என்

நெஞ் சமதே தொலைந்ததடி!
 

இராஜ.தியாகராஜன்

இராஜ.தியாகராஜன் அவர்களின் இதர படைப்புகள்