வேண்டாத கவிதை

காலக் கழிவுகளில்
மிச்சமாய் மீந்ததெல்லாம்
நினைவுகளும்; தடங்களுமே;

நாம் விட்டுச் சென்ற
தடங்கள் மட்டுமே - நாளை
நமக்கான வரலாற்றை பேசுகிறது;

நாமெல்லாம்
இன்றினை நோக்கி
வாழ்வதாகவே நினைத்துக் கொள்கிறோம்,
நிறைய பேருக்கு தெரிவதேயில்லை -
நாளைய வரலாற்றை தான்
நாம் இன்றே எழுதுகிறோமென;

ஒரு வரலாற்றை
புரட்டிப் போடவேண்டிய -
பாதி தொலைவில் தான்
நீயும் நானும் நிற்கிறோம்;

சற்று சிந்தித்தால்
சற்று முயற்சித்தால்
சாற்றினை தாண்டி -
உழைக்க முற்பட்டுவிட்டால்
நம் நாளைய வரலாறும்
இன்றே புரட்டி போட்டுக் கொள்ளப் படும்;

அவரவர் வாழ்க்கையும் வரலாறும்
அவரவரே எழுதிக் கொள்கிறார்க்ளென
சொல்வதற்கெதற்கு கவிதை!
 

வித்யாசாகர்

வித்யாசாகர் அவர்களின் இதர படைப்புகள்