உன் கல்லறையில் பூத்த புற்கள்

வானம் மிக நீண்ட
தெருக்களாய் -
அகன்று விரிந்திருக்க;
அங்கே -
உன்னொரு சிறு
பார்வைக்காய் காத்திருக்கிறது மனசு,

எல்லோரும்; பாரவனை -
கிறுக்கன் என்கிறார்கள்;
தொலைத்த இடத்தில் -
மரணத்திற்குப் பின்னிருந்து
உன்னை தேடுகிறேனென்று யாரரிவார்;

கண்ணீரில் நனைந்த
கல்லறையில் - உன்னை
பிரிந்த சோகமே புற்களாய் பூத்திருக்க
எனக்குள் இறவாத உன்
உயிர் கொண்டு தானே மெல்ல மெல்ல
உயிர் துறக்கிறேன்;

சுற்றி திரிந்த தெருக்களும்
அமர்ந்து பேசிய கோவிலும்
நின்று பார்த்த குழாயடியும்
முத்தம் தந்த -
ஜன்னலின் அருகாமையும் போக
வேறென்ன வேண்டுமெனை கொல்வதற்க்கென -

யாருக்குமே புரியாது தான்;
யாருக்குமே புரியாது தான்!

வித்யாசாகர்

வித்யாசாகர் அவர்களின் இதர படைப்புகள்