'ஹைக்கூ' போல..../ குறும்பாய்க் குறும்பா

இறந்தகாலத்தில் நிகழ்காலம்

புதைபொருள் ஆராய்ச்சி
முதுமக்கள் தாழி : உள்ளே
சிதைந்த சிம்கார்டு


 

.................................................................................................................

நியாயவிலைக் கடை

ஏழை துயர் துடைக்கும் அரசாங்கக்கடை
இருப்பில் இருக்கும் எப்போதும்
இருப்பு இல்லை என்ற பதில்




 

.................................................................................................................

உயிரா?உயிலா?

உயிர் துறந்தவரை அனுப்பிவிட்டு
உயில் திறக்கும் ஆர்வத்தில்
அவசரமாய் வாரிசுகள்


 

.................................................................................................................

மறக்காமல்..

குடை மறந்த நாளில்
மறக்காமல் வந்தது :
மழை



 

.................................................................................................................

பேராசை

அறுசுவையில் சோறு
ஆங்கிலத்தில் பேரு :பிறக்க
ஏங்குகிறாள் மாடிவீட்டில் நாயாக




 

.................................................................................................................

உண்மை

சமையல்காரர் ருசிபார்த்தபின்
மிச்சத்தில் பசியாறுகிறார்:
முதலாளி

துரை, தூத்துக்குடி  -ன் இதர படைப்புகள்