கும்மியடிப்போம்

(பாப்பாப் பாட்டு)

கும்மியடிப்போம் கும்மியடிப்போம்
குழந்தைகள் நாமும் கும்மியடிப்போம்.
கூடிக் கலந்து நவராத்திரியில்
கும்மியடித்து மகிழ்ந்திடுவோம்.

(கும்மியடி....)

 

துர்க்கையம்மனைத் துதித்து நாமும்
துணிவு வீரம் கேட்டிடுவோம்.
துன்பம் தீரக் கும்மியடிப்போம்.
துணிவொடு நாமும் கும்மியடிப்போம்.

(கும்மியடி...)
 

செல்வம் கேட்டு இலட்சுமி தாயை
செந்தாமரைத்தாயை வணங்கிடுவோம்.
செல்வம் பெற்று மகிழ்வாக என்றும்
செழிப்பாக நாமும் கும்மியடிப்போம்.

(கும்மியடி ...)

 

சரஸ்வதி தேவியை எண்ணி ஒன்றாக
சந்தோசமாய்க் கும்மி கொட்டுவோம்.
சகலகலையும் கல்வியோடு எமக்கு
சரஸ்வதி தந்திடக் கும்மியடிப்போம்.

(கும்மியடி.... )
 

வேதா. இலங்காதிலகம்.
ஓகுஸ், டென்மார்க்.

வேதா. இலங்காதிலகம் அவர்களின் இதர படைப்புகள்