காலையில்
நிறைய காகங்கள் கரைகின்றன
இருட்டு விலகிக் கொள்கிறது
நிறைய பேருக்கு -
விடியவேயில்லை!
------------------------------------------

பச்சை பச்சையாய்
நிறைய மரங்கள்
நிர்வாணம் புரிந்தும்
வேறுபட்டுப் போகிறேன் நான்
மரத்திடம்!
------------------------------------------

தெருவோரம் பறக்கும்
ஒரு -
பட்டாம் பூச்சிக்கு
இருக்கிறது போல் சுதந்திரம்
எனக்கில்லை!
------------------------------------------

மண் -
குவிந்தும் கெட்டிப் பட்டும்
நிறைய வீடுகள் ஆயின;

வீடுகளில் -
எத்தனை வீடுகளோ(?)
குவிந்த மண் எத்தனையோ(?)

நிறைய வீட்டிற்கும்
நிறைய மனிதனுக்கும்
அதை பற்றியெல்லாம்
சிந்தனையேயில்லை!
------------------------------------------

நன்றி