ஆயிரம் பாவம்

கையை இடித்துவிட்டு

ஓடும் சிறுவர்களுள் ஒருவன்

மலத்தை மிதித்த

மற்றவனைப் பார்த்துக் கத்தினான்,

"என்னைத் தொட்டால் ஆயிரம் பாவம் !"

சுற்றிப் படர்ந்த புகைமண்டலத்துள்

புகுந்து

இருமிக்கொண்டே செல்கிறாள்

ஒரு சிவப்புச் சேலை புள்ளத்தாச்சி.

உயிரின் ஒரு துளி

சாம்பலாகித் தரையில் விழுந்தது.

ஆள்காட்டி, பாம்பு விரல்களைப்

பிரித்து

தன்முனையில் கனன்று கொண்டிருக்கும்

அந்த வெண்சுருள் சொல்லியது,

"என்னைத் தொட்டால் ஆயிரம் பாவம் !"
 

அவனி அரவிந்தன்

அவனி அரவிந்தன் அவர்களின் இதர படைப்புகள்