டாஸ்மார்க் ஹைக்கூ

 அரசாங்கம் நடத்தும்
அவமானச்சின்னம்
டாஸ்மார்க்

பாதை தவறியவர்கள்
போதை வாங்குமிடம்
டாஸ்மார்க்

காந்தியடிகளுக்கு பிடிக்காத இடம்
குடிமகன்களுக்கு பிடித்த இடம்
டாஸ்மார்க்

குடிமகன்களிடமிருந்து கரந்து
அரசாங்கத்திற்கு வழங்கும்
கற்பக காமதேனு டாஸ்மார்க்

வருமானம் பெருகப் பெருக
அவமானம் பெருகுகின்றது
டாஸ்மார்க்

பாஸ் மார்க் வாங்கியும்
க்ளாஸ் பாட்டிலுடன் வேலை
டாஸ்மார்க்

ஈழம் அழிந்தாலும் கவலையின்றி
தமிழினம் ஒழிந்தாலும் கவலையின்றி
நிரம்பி வழியும் கூட்டம் டாஸ்மார்க்போதை சுகத்தில் குடிமகன்
சொல்லில் அடங்கா சோகத்தில் குடும்பம்
டாஸ்மார்க்

விதவைகளின் எண்ணிக்கையை
விரிவாக்கம் செய்யுமிடம்
டாஸ்மார்க்

வருங்கால தூண்கள்
வழுக்கி விழுமிடம்
டாஸ்மார்க்

இலவசமாய் நண்பன் தருவதாக
இளித்துக் கொண்டு போகுமிடம்
டாஸ்மார்க்

இமயமாக உயர வேண்டியவன்
படு பாதாளத்தில் விழுமிடம்
டாஸ்மார்க்

 

இரா. இரவி, மதுரை

இரா. இரவி, மதுரை அவர்களின் இதர படைப்புகள்