பட்டணம்

வானம் மாடிகள் மேல்
விழுந்து கிடக்கிறது
தேவர்கள் எங்கே தொலைந்தார்களோ?

கட்டிடக்காட்டை
பட்டணம் என்று
சுட்டிக்காட்டுகிறது
தெருப்பலகை.

சனநெரிசல்களால்
மனிதரிடம் மனநெரிசல்கள்

குதத்தால் சுவாசிக்கும்
வாகனங்களால்
சுவாசத்தையே மறந்த
மனிதர்கள்.

புகையடித்து
பழுக்கவைக்கப்படுகிறது
நுரையீரல்.

வேலையும் வீடுமாய்
கட்டிலும் குசினியுமாய்
பெண்கள் பெண்களின் மரதனோட்டங்கள்

பொருளாதாரப் போருக்குள்
பெண்கள் தாச்சி மறிக்கப்பட்டுகிறார்கள்

நேரமின்மை காரணமாக
கணவன் மனைவியிடையே
உத்தரவு கொடுக்கப்பட்டு விபச்சாரம்
அவசரமாய் அரங்கேறும்.

நடுவீட்டில் நட்டு நிற்கும் சவப்பெட்டி
சவங்களையே காட்டித் தொலைக்கிறது.
கொலையும் கொள்ளையுமாய்
இரத்தமும் சதையுமாய்
கொட்டிக்கொட்டித் கொல்கிறது.
நன்மைகளைத் தொலைக்கும்
தொல்லைக்காட்சியா
தொலைக்காட்சி?

இயந்திர உலகில்
எந்திர இதயம்
தாளம் தப்பி
காசு காசு என்றே படபடக்கிறது.
எல்லாமே தப்பத்தாளங்கள் தான்
வாகனங்களில் வந்து
இயந்திரத்தில் ஏறியே
நடைபழகுகிறான் மனிதன்
நிறை குறைய.
தலை நிறை எப்போ குறையும்?
தலைவலி எப்போ தொலையும்?

காசு காசு என்றலைந்து
கடன் கிடன் பட்டு
கடனுடன் சாகும்
நகரத்து வாழ்வு
இல்லை நரகத்து வாழ்வு
 

நோர்வே நக்கீரா

நோர்வே நக்கீரா அவர்களின் இதர படைப்புகள்